Berikut ini adalah hasil Diskusi di DPR (Dibawah Pohon Rindang) salah satu kampus, antara dan admin Pengurus Taat Azas dalam rangka mendukung Pemerintah RI di Kemenristekdikti, setelah dikeluarkannya Aturan PO PAK Tahun 2019:
Admin: Cing Doktor, ente mau jadi Propesor kagak?
Doktor: Lah Mau lah
Admin: Ente dah liat aturan Dikti nyang baru (PO PAK 2019)?
Doktor: Iye... Ane liat mengkinan berat jadi Propesor ya....?!
Admin: Lah iye lah cing...loe kire gampang jadi jendral..!
Doktor: Lah
Admin: Lapan..Propesor mah Jendralnye Kampus?
Doktor: Ente pinter juge cing...bener juga yak?
Admin: Makanye ane admin kagak pinter ilmu kayak ente cing..
Tapi demi cing, juge ane pelajarin ilmu admin-nye biar ente
kagak kelelep ama aturan. Sini ane bantu rapiin data ente bang
Doktor: Lah Bujug...berkas sop kopi (Soft File) diminta yak?
(sambil baca PO-2019)
Admin: Lah iye lah cing, ente bijimane sih....udah ikutin aje...
Segale pura-pura kaget...cepeten biar ane urusin..(sambil nyeduhin
kupi buat cing doktor). Pan ada juge data sisterdikti minte tuh
sopkupi
Doktor: Lah.. tunggu lah cing, ini beneran ane rapiin dulu...bisa 1-3 bulan
nih benerin date ane, mana pada semrawut lagi..kusut dah...!
Admin: Bujuk Buneng, cing..cing ente mah lucu ye....ngajar kagak rapih,
arsip kagak genah, jangan-jangan penelitian juge kagak ade..ente?
Lah pengen jadi profesor hahahahaha.....
Doktor: Bukan Begitu cing....ane kan sibuk..!
Admin: Lah dalah...sibuk mah urusan lain cing, loe kate gue kagak sibuk
Apalagi ngurusin nyang kaya ente begini arsip kagak jelas semue.
Ente ada penelitian nyang dipublikasi di skopus kagak?
Doktor: Iye Dah Ane rapiin, besok yeee ane Ngadep. Kalo jurnal skopus
de sih...cuman kagak tau dah skor-nye sesuai ama permintaan
dikti kagak?
Admin: Oke Cing...ayulah minum kupi ama makan nih gorengannya.
Ane siapin biar ente semangat nulis di skopus ama apaan satu lagi
yak, kalu kagak salah tomson jerry apa yak...?
Doktor: Hahaha...kupi-nye sedep cing. Ampe keselek nih, Thompson Reuters
kalee.., sekarang namanye dah jadi WoS (Web of Science) Cing...
Admin: Iye itu maksud ane..WoS..itu mah ane pura pura aje bego...padahal
kagak paham juge cing hahaha...
Oke Cing...ayulah minum kupi ama makan nih gorengannya...
Doktor: Hahaha...iye iye..tengkyu berat nih
Admin: Cing doktor, ini kan aturan dikti mah berubah terus..jadi ane titip
pesen aje deh ama semua mentemen melalui ente aje..
Doktor: Wah...ade nasehat nih..?!!
Admin: Cing sampein ame mentemen, setelah ane ngusulin beberape name dosen dan berdasarkan pengalamen ane nih...kalo mo urus lektor kepale ama propesor supaye teliti banget dahh..kalu nulis inggris kagak jago ya pake proop riding (proof-reading) sebelon submitt biar kagak malu dibace orang sedunia tulisan kite. Kagak ape-ape dah mahal nyang penting orang luar negare paham apa nyang ente maksutin. Kan kite juga bangga sebagai anak bangsa ikut naikkin bendera merah putih pake karya kite. Terus jangan lupa dah cek kemiripan (plagiarsm) karye artikel ente jangan lebih 25%. Pan sebenernye kita semua bisa lah batasin maksud pikiran kite..
Trus gini cing doktor, kan banyak tuh nyang pengin bener jadi propesor..!, nah biasain dah jangan MENGUSULKAN (Jangan ngusulin diri dewek) mendingan diusulin (DIUSULKAN).
Soalannye nyang mengusulkan mau jadi profesor kan diri tuh dosen. Pan diri die dewk juge yang bisa ngeliat, dah layak belon jadi profesor tapi kalah ama maunye dewek dan ujungnye maksa diri. Jadi kagak bisa dah seolah ngukur diri sendiri siap jadi Propesor padahal belon Layak.
Lah lain halnye kalo diusulin cing...
Biasanye (ini pengalaman ane ngurusin yeee)...nyang disulin beneran jadi propesor karna nyang ngeliat layak itu orang laen, bukan diri die dewek. Pan kudunya dosen mah emang nulis bae sebanyak mungkin, ngajar nyang tekun, ikutin dah segala aturan nyang ditetepin selama itu bener. Lah Kalau kagak bener ya ente rame-rame diskusi ame tanyain alasennye ke dikti, kan ada mekanisme banding.
Lah terus ada nyang bilang, ada nyang kagak cukup syarat eeh jadi Propesor...jawaban Ane mah singkat Baek...Lah ngurusin orang, biarin aje dia jadi kan malah akan malu pertahanin tuh gelarnye..itu namenye disiksa juga, malu ngedekem gelar kagak pernah berkarye. Ente kire Propesor ditanya di Alam Barzah..?Lah Kagak. Tapi sebab die kagak berkarya sesuai keilmuannye lah pasti ditanya.
Ingetin dah: Harta ente dapat darimane dan dikemanain? Lah kalu kite ngurus buat idup aje jalannye dah salah... tuh kan artinye harta kite jadi gelap statusnya, lah trus kite ngasih makan anak bini kite pake nyang penghasilannya kagak jelas? Bujug bise kagak di doain kite ama anak bini kita kalu liwat....
Belon lagi gini cing, kan kite semua syarat propesor kudu sertipikasi dulu, nah naek dah tuh budget anggarannye di APBN. Kan jadi kusut semue urusan..jadi ini mah bukan sekedar susah naek pangkat, tapi juga tunjangan ente kan perlu dipikirin Pemerintah. Mungkin ntar nunggu kali giliran propesor senior pada pensiun ente pengganti-nye.
Jadi SABAR AJE YEE... Rezeki mah gak Ketuker dan pasti sudah Ketakar.
Doktor: Oke Cing ane sampein ntar ama temen lainnye
Diskusi ini beneran kejadian, hari dan tempat disembunyikan menghindari banyak yang datang dan berkerumun mau ngupi bareng.
Salam Dikusi
Bersatu, Bekerja, Membangun Negeri